शुक्रबार एकैदिन सुनको भाउ तोलामा ५ हजार ६ सय रुपैयाँ बढेको छ ।
अघिल्लो दिन ५ हजार ५ सय रुपैयाँ घटेको सुन आज फेरि बढेको हो । नेपाल सुनचाँदी व्यवसायी महासंघले यस दिनका लागि सुनको मूल्य प्रतितोला २ लाख ९० हजार ६ सय रुपैयाँ तोकेको छ ।
अन्तर्राष्ट्रिय बजारमा आज मूल्य बढेसँगै नेपाली बजारमा त्यसको प्रभाव देखिएको महासंघले जनाएको छ । गत शुक्रबार सुनको भाउ प्रतितोला २ लाख ९३ हजार ७ सय रुपैयाँ थियो । त्यस्तै गत माघ १५ गते हालसम्मकै उच्च ३ लाख ३९ हजार रुपैयाँ पुगेको थियो ।
चाँदीको भाउ तोलामा १७५ रुपैयाँ बढेको छ । अघिल्लो दिन प्रतितोला ४ हजार ८६५ रुपैयाँमा कारोबार भएको चाँदी आज ५ हजार ४० रुपैयाँमा भएको छ । गत शुक्रबार चाँदी ५ हजार ११५ रुपैयाँमा कारोबार भएको थियो ।
